Астана банкі Назарбаевтың сынына жауап берді
“Астана банкі” АҚ Қазақстан президенті Нұрсұлтан Назарбаевтың сынына байланысты шұғыл хабарлама таратты. Президент Ұлттық банк қызметінің қорытындылары жөнінде кеңесте бұл қаржы ұйымын көрсеткіштері өте нашар банктердің қатарына қосқан болған.
Бұл туралы Sputnik.kz хабарлады.
“Астана банкі” АҚ қазіргі таңда ҚР Ұлттық банкінің барлық пруденциялық нормативін орындап жатыр. Банк құрылғалы бері бірде-бір рет өз міндеттемелері бойынша дефолтқа жол бермеген”, — деп жазылған банктің мәлімдемесінде.
“Қазір Эксим банк, Астана банкі, Qazaq Banki сияқты банктердің көрсеткіштері өте нашар, акционерлері басқара алмай отыр, қарызға батқан, өз салымшыларының қаржысын қайта алмай отыр, олар қалай жұмыс істемек? Мұның бәрін мемлекетке аудара салмақшы!”, — деді Назарбаев.
Астана банкі мемлекеттік қолдау бағдарламаларына арқа сүйеп отырмағанын алға тартты.
“S&P халықаралық агенттігі банктің рейтингін “B-/B” және “kzB+” деңгейінде растады. Банк алдағы уақытта да өз клиенттері алдындағы барлық міндеттемені толық орындауға ниетті”, — деп аталып өткен хабарламада.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе