Әскери қызметшілер арасында моральдық-психологиялық ахуал зерттелді

25 ақпан, 16:16

Бағдарлама аясында офицер-тәрбиешілердің штаты 138 бірлікке арттырылды, бұл әскери бөлімшелердегі тәртіп пен құқықтық мәдениетті нығайтуға оң әсер етеді. Сонымен қатар, оқу орталықтарында мерзімді әскери қызметке шақырылатын сарбаздарды сапалы зерттеу үшін қосымша 66 тәрбиеші, 40 психолог, соның ішінде полиграфологтар қызметке енгізілді.

«Былтыр әскери психологтар әскери қызметшілердің моральдық-психологиялық жағдайын және олардың әлеуметтік-тұрмыстық мәселелерін зерделеу мақсатында 10 мың сауалнама жүргізді», – деді Серік Рахимов.

Оның айтуынша, 2023 жылдан бастап сарбаздардың аумақтық қағидат бойынша әскери қызмет өткеруі, сондай-ақ шақырылушылар мен бұрыннан қызмет ететін сарбаздардың бөлек орналасуы оң нәтиже көрсетіп отыр.

«Бұл жүйе сарбаздардың бір-бірімен байланысын шектеп, ықтимал қақтығыстардың алдын алуға көмектеседі. Сонымен қатар, командирлер сарбаздарды тәулік бойы бақылап, әрқайсысына жеке көзқараспен қарайды. Соның нәтижесінде, корпоративтік құндылықтар, бірлік пен бауырластық рухы нығая түсуде», – деді ол.

Сарбаздардың ата-аналарымен өзара іс-қимылы күшейтіліп, жастарды тәрбиелеу ісіне «Застава тарландары» ардагерлер ұйымының өкілдері тартылуда. Сонымен қатар, шекара маңы аудандарындағы мектептерде 375 «Жас шекарашы» арнайы үйірмесі құрылып, онда 7000-нан астам оқушы білім алуда.

#әскер #сауалнама #ахуал