Әсет Исекешев лауазымды тұлғаларға қоғамдық көлікпен жүруді міндеттеді
Елорда әкімдігінде Әсет Исекешевтің басшылығымен жиын өтті, оның аясында қаланың тұрмыс-тіршілігіне қатысты бірқатар мәселе талқыланды.
Бұл туралы Астана әкімдігінің ресми сайты хабарлайды.
Күн тәртібінде келесі тақырыптар бойынша мәселелер қарастырылды: тұрғын-ұй құрылысында үлескерлікпен салу мәселесі, қаладағы тіршілік қарекетінің нысандары, қалада қауіпсіздікті және жедел әрекет етуді қамтамасыз ету мәселелері, бюджет қаражатының игерілуі, азық-түлік бағасы, ТКШ саласында жаңа тетіктер.
“Соңғы уақытта түнгі уақытта орын алатын шу және көшедегі ұрыс-төбелес жөнінде шағымдар көбейіп кетті. Осыған байланысты қалалық ІІД және ЖПҚ ойын-сауық мекемелерге қатысты бақылауды күшейту керек”, – деді Әсет Исекешев.
Сондай-ақ Әсет Исекешев қоғамдық көлікте жүру туралы хаттамалық тапсырма берді.
“Елордалық әкімдіктің басшылары, әкімнен бастап, аудан әкімдері, орынбасарлар, онымен бірге басқарма, қалалық ведомство және құрылымдық бөлімшелердің басшылары аптасына бір рет қоғамдық көлікте жүрулері тиіс”, – деді қала басшысы.
Жиын қорытындысы бойынша әкім елордалық ІІД басшысына қоғамдық тыныштықты сақтауда қауіпсіздік шараларын күшейту қажеттілігі жөнінде тапсырма берді.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе