Арыстанбекке қандай сұрағыңыз бар? Ол Фейсбукке тіркелді
ҚР Мәдениет және спорт министрі Арыстанбек Мұхамедиұлы Facebook әлеуметтік желісінде жеке парақшасын ашты.
Бұл туралы Ұлт порталы жазады.
«Қадірлі достар! Мен мәдениет пен спортқа қатысты нақты ақпараттарды бөлісуге, сондай-ақ, осы саладағы барлық маңызды мәселелерді талқылау үшін Facebook әлеуметтік желісінде парақша ашуды жөн көрдім. Сонымен қатар, осы парақша арқылы жас режиссерлермен, суретшілермен, әртістермен, әншілермен және де көптеген дарынды тұлғалармен тілдесуге әрі байланыс орнатуға дайынмын. Себебі біздің қасиетті жеріміз талантты жандарға кенде емес. Өзімнің достарыма сапалы «кері байланыс» пен қолдау білдіргендері үшін зор алғысымды білдіремін. Барлық ой-пікірлерді жеке өзім оқуға және мүмкіндігінше жауап беруге тырысамын» деп бастады министр алғашқы жазбасын.
«Отандық фильм біздің балаларымыздың көңілдерінен шығады әрі осындай туындылар арқылы оларды қуантып қана қоймай, өскелең ұрпақтың бойына Отанға деген сүйіспеншілікті сіңіреміз деген ойдамын», деп жазды Арыстанбек Мұхамедиұлы.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе