“Арықтасаңдаршы!”. Ішкі істер министрі полицейлерге осындай бұйрық берді
Тәжікстанның ішкі істер министрі Рамазон Рахимзода милиция қызметкерлеріне тез арада салмақ тастауды бұйырды. Бұйрықтың орындалуын қадағалауды арнайы комиссияға тапсырды.
“Милиционер тола бастағанда, оның жұмыс істеуге қабылеті азая түседі. Біздің барлық қызметкерлеріміз жасы, бойы және салмақты сәйкестендіретін халықаралық кестеге сай болуы қажет. Кейбір қызметкерлердің салмағы бұл қалыпқа сәйкес келмейді. Оларға арықтауға тура келеді”,- деді министр.
Дүниежүзілік денсаулық сақтау ұйымының мәліметі бойынша, Тәжікстанның жалпы тұрғындары кедей болғанымен, жастары 20-дан асатын ер азаматтардың 31,2 пайызы және әйелдердің 30,5 пайызында артық салмақ бар. Сарапшылар мұны жергілікті тағамның ерекшелігімен байланыстырады. Тұрғындар ұн, қант және жануар майын көп қолданады.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе