Аршавин “Қайрат” футбол клубы туралы кітап жазып жатыр дегенді жоққа шығарды
Ресейлік футболшы Андрей Аршавин “Қайрат” футбол клубы турады кітап жазғаны туралы мәліметті жоққа шығарды.
Спортшының айтқан сөзін Талғат Қалиев Telegram- арнасында жариялаған.
“Әңгіме көбейіп кетті. Тілшілер хабарласып, сұрастыра береді. “Қайрат” туралы кітап шығатынын білемін.
Бүтін бір тарауы мен жайында. Бірақ авторы мен емес”, — дейді Аршавин.
“Футбол қауымдастығындағы біреу сыбысты естіп, мені автор деп хабар таратып жіберген сыңайлы. Бір жерде айта салып, артынша мәлімет таралып кетті.
Атымды пайдаланып, танылғысы келіп жүргендердің кім екенін білгім келеді. Мұны анықтаймын”, — деді спортшы.
Жақында БАҚ-та 2016 жылдан бері “Қайрат” құрамында ойнап жүрген футболшы Андрей Аршавиннің клуб жайында кітап жазып жатқандығы турады ақпарат шыққан болатын.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе