Армения мен Әзербайжан президенттері Қарабахты талқылады
Армения және Әзербайжан президенттері 16 қазанда Женевада Таулы Қарабах дауын талқылады. Серж Саргсян мен Ильхам Әлиев келіссөзді ЕҚЫҰ-ның Минск тобының қамқорлығы аясында өткізді.
Екі елдің сыртқы істер министрлері мен Минск тобының тең төрағаларының келіссөзінен кейін жасаған бірлескен мәлімдемеде “Кездесу конструктивті өтті” делінген.
“Президенттер келіссөз шараларын күшейтуді және дауды шешу үшін қосымша шаралар қолдану жөнінде келісті”, – делінген мәлімдемеде.
Қарабах дауын шешу үшін келесі қадам – жақын уақытта министрлер деңгейінде кездесу өткізілмек.
Екі елдің президенті жеке кездесу өткізді деп жазды Twitter-ге Армения президентінің баспасөз хатшысы Владимир Акопян.
Серіктестер жаңалықтары
© «365 Info», 2014–2024 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз