Әнші Төреғалидің ұшаққа билетсіз өтуіне байланысты тергеу жүргізіліп жатыр
«Алматы-Гонконг» рейсіне билеті жоқ адамның әуежайдың ұшу аймағына рұқсатсыз өту фактісіне қатысты сотқа дейінгі тергеу амалдары жүріп жатыр.
Бұл туралы Көліктегі Ішкі істер департаменті баспасөз қызметінен мәлім болды.
«Бұл оқиғаға байланысты факті сотқа дейінгі тергеудің тізіліміне енгізілді. Осы жағдай 1992 жылы туған Қазақстан Республикасының азаматына қатысты болып отыр», – делінген баспасөз қызметінің мәліметінде.
Билеті жоқ ер адам ұшақ бортына өтіп кеткен. Кейін ол адамның өзінің отбасын шығарып салмақ болған әнші Төреғали Төреәлі екені анықталды. Төтенше жағдайға байланысты рейс 18 минутқа кешіктірілді. Сонымен қатар, билеті жоқ адамның әуежайдың ұшу аймағына рұқсатсыз өткені үшін әуежай қызметкерлері айыппұл төлейтіндігі хабарланды.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе