Әне! Коррупцияға қарсы күрес бағдарламасы қабылданды
Өзбекстан президенті Шавкат Мирзиёев 2017−2018 жылдарға арналған Коррупцияға қарсы күрес мемлекеттік бағдарламасын бекітті. Құжаттың мәтіні жергілікті БАҚ-та жарияланған.
Коррупция5а қарсы күресті қадағалайтын арнайы мекемеаралық комиссия құрылған. Оны елдің бас прокуроры Ихтиёр Абдуллаев басқарады. Комиссия шешімін барлық мемлекеттік мекемелер, бірлестіктер, ұйымдар орындауы тиіс.
Таяу уақытта «Мемлекеттік қызмет жөнінде», «Мемлекеттік-жекеменшік әріптестік жөнінде», «Мемлекеттік сатып алу жөнінде», «Құқықтық ақпаратты тарату жөнінде», «Қоғамдық бақылау жөнінде», «Жәбірленушілерді қорғау жөнінде» және «Әкімшілік рәсімдер жөнінде» заң жобалары әзірленіп, парламенттің қарауына жіберілмек.
Коррупцияға қарсы күрес бағдарламасы аясында мемлекеттік бюджеттің жұмсалуын қадағалап әрі оған қатысты ақпараттың қол жетімдігі де қамтамасыз етілмек.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе