Полицейлер криптовалютаға байланысты алаяқтық жасады деген күдікпен 28 жастағы Алматы тұрғынын ұстады.
Бұл туралы Астана қаласы әкімдігінің медиа орталығы хабарлайды.
Полиция бөліміне екі қала тұрғыны хабарласып, қаражаттарын алаяқтық жолмен белгісіз біреу қолды қылғанын айтып арызданған. Зардап шегушінің айтуынша, криптовалюта сатылатыны туралы бір сайттан оқып «сатушыға» хабарласқан, содан күдіктімен қаламыздың сауда орталығының бірінде кездесіп, 11 200 доллар қаржысын қолына ұстатқан.
Астана қаласының ІІД қаржылай операциялар кезінде қырағы және мұқият болуды ескертеді.
Айта кетелік, бір топ депутат бертінде криптовалютаға қатысты қазақстандықтардың сұранысының күрт артуына байланысты дабыл қаққан еді. Олардың айтуынша, астаналықтардың кейбірі, тіпті осы валюта түріне үйлерін сата бастаған. Қазір бір биткойнның құны 4 мың доллар тұрады. Болашақта оның құны өспесе кемімейді деп ойлайтын қазақстандықтар соңғы кездері осы валюта түрінде ақшаларын сақтай бастаған. Бірақ оған кепілдік жоқ деп шулайды депутаттар. Ұлттық банк басшылығы да виртуальды бұл ақшаға көп сенім артпауға кеңес беріп еді.