Медеу Арынбаев өнердегі қарындасы Ділназ Ахмадиеваның бейнебаянының тұсаукесерінде өнер көрсетті. Кейін телебағдарламада әнші оны алып қашқысы келіп жүргенін жасырмады.
Бұл туралы 31 телеарнаның “Айта берсін” бағдарламасында айтылды.
“Ділназ екеуіміз қосыла саламыз. Онда тұрған дәнеме жоқ! Қазір анасынан рұқсат сұрап көрейін…
Әрине, қалжыңдап отырмын ғой (күледі).
Ділназ маған қарындасым секілді болып кеткен. Бір қазанда сорпамыз қайнап келе жатыр. Бір-бірімізді бұрыннан білеміз.
Құдай-ау, Ділназдай қыз кімге ұнамайды?! Бойында құдай берген сұлулық пен талант, дарын тұнып тұр.
Оның не себепті күйеуімен ажырасқанын білмеймін. Қазір ажырасып, басының бос екенін естіп жатырмын. Мен ол жағын қазбаламаймын. Білмеймін, білгім де келмейді. Жұбайлардың қосылып-ажырасуы заңдылық деп білемін.
Ал менің жұбайымнан айырылғаныма алты жылдан асты. Жүрегімді жаулаған жан кездеспей жатқан шығар. Сценариймен үйленіп, бас қосқым жоқ.
Әйтпесе, маған ұнайтын қыз-келіншектер жоқ деп ойлайсыз ба? Біреуінің басы бос емес, енді екіншісінің жасы кіші.
Барлығы сәтін салып, өздігінен болар деген үміттемін”, – дейді Медеу Арынбаев.
Гүлбаһрам апай бұл ұсынысқа қарсы емес сияқты. Өйткені өткен жылдың тамыз айында ұлы Ділшат үшінші рет үйленіпті.
https://www.youtube.com/watch?v=rZxfWJ_DzZU