Анасы нәрестені жалаңаш күйінде балконда қалдырып кеткен

9 желтоқсан 2018, 12:38

231

kaz.365info.kz

Саратов облысының 22 жастағы тұрғыны бұрынғы күйеуімен жанжалдасып, кек қайтарамын деп 3 айлық қызын балконға шығарған. Кейін суретке түсіріп, күйеуіне жіберген. Сәби біраз уақытын балконда өткізген. Қыздың 28 жастағы әкесі суретті Вконтакте әлеуметтік желісіне салған.

«Бұл әйелімде босанғаннан кейінгі депрессия. Кішкентай қызым жылап жатқанда, мен жұмыста болдым», – деп жазған.

Алайда, бұл суретін кейін өшіріп тастаған. Ер адамның сөзіне қарағанда, жұбайын ата-ана құқығынан айыруға ниетті, бірақ ол көп жұмыс істейтіндігіне байланысты қызын өз бетімен асырай алмайды. Кейбір деректер бойынша, әйел ер адамнан алимент алғысы келген.