Алтынға деген сұраныс төмендеп, бағасы арзандады

Ұлттық банктің мәліметінше, қыркүйек айында қазақстандықтар 1 480 өлшеуіш құйманы сатып алған. Халық  жалпы салмағы 65,2 кг бағалы металға ие болған, яғни орта есеппен жарты сағат сайын республикада бір құйма сатылды, оның орташа салмағы 44 г құрады. Алайда бұл ең жоғары көрсеткіш емес. Ұлттық Банк 2020 жылдың маусымында құймаларды айлық сатылымы бойынша деректерді жариялай бастады:  мамыр айындағы деректерде жалпы салмағы 62,2 кг, 1 467 құйма  сатылған.

Кейін көрсеткіштер айтарлықтай артты:

• маусымда  – 1 980 құйма, 109,6 кг
• шілдеде  –  2 712 құйма, 113,1 кг
• тамызда – 2 353 құйма, 112,5 кг.

Осылайша, жазда алтынның сұранысы шарықтау шегіне жетті, ал қазір ол мамыр айындағы деңгейге қайта оралды. Алайда, бұл жыл басындағы көрсеткіштерден айтарлықтай жоғары.

Ресми мәліметтер бойынша, 2020 жылдың қаңтарынан қыркүйегіне дейін ел тұрғындары жалпы салмағы 566,3 кг болатын 13 208 құйма сатып алған

Егер мамыр-қыркүйек айларының мәліметтерін осы жерден алып тастасақ, жылдың алғашқы 4 айында жалпы салмағы 103,7 кг болатын 3 216 құймаға сұраныс болған немесе айына орташа 804 құйма және 25,9 кг бағалы металл сатылған. Бұл қыркүйектің көрсеткіштерінен айтарлықтай төмен.

Алтын арзандады

Ұлттық Банк 2017 жылы тазартылған алтынның өлшеуіш құймаларын халыққа сату және сатып алу бағдарламасын іске қосты. Осы уақыт ішінде жалпы салмағы 1,25 тонна болатын 34 688 алтын құйма сатылды.

Ауыл шаруашылығы министрі тауықтарды қалай өсіретінін біле ме?

Өңірлер арасында көшбасшы Алматы қаласы (өткізілген құймалардың жалпы санының 55%), одан кейін Атырау (14%), Нұр-Сұлтан (10%) және басқа да өңірлер (21%).

Бағдарлама іске қосылған сәттен бастап жалпы салмағы 3,2 кг 119 өлшегіш құйма кері сатып алуға қабылданды. Ұлттық Банк бұл қызметке сұраныстың төмендегін алтын құймалары инвестициялаудың ұзақ мерзімді құралы болуына байланысты деп түсіндірді. Яғни, алыпсатарлыққа қолайлы емес.

Жаз айларында алтынның бағасы қымбаттап, сұраныс та артқан еді. Егер 1 маусымда 1 граммның ресми құны 22,8 мың теңгеден сәл асатын болса, 3 айдан кейін – 26,4 мыңнан асып түсті, яғни осы уақыт ішінде

алтынның  бір граммының бағасы 3,6 мың теңгеге өсті

Қыркүйек айында өсім тоқтады. Ұлттық Банктің деректері бойынша, 1 қазанда республикада осы бағалы металдың құны 26 147,9 теңгені – 1%-ға немесе бір ай бұрынғыға қарағанда 269,5 теңгеге арзандады. 12 қазанға қарай ол 26,3 мың теңгеге дейін көтерілді.