Алматының көшесінде тірідей шіріп жатқан ер адам жұртты шошытты (фото)
Алматы көшелерінің бірінде бір апта бойы қозғалыссыз жатқан ер адам тірідей шіри бастаған. Дәрігерлердің айтуынша, оның жаралары құрттауға кірісіпті.
Бұл туралы КТК арнасы хабарлайды.
Александр Кабеев бір апта бойы көрген қорлығын айтып берді.
“Басым айналып, құлап қалдым. Дүңгіршекке әзер сүйретіліп жеттім. Өлгім келеді”, – дейді ер адам.
“Құлдықта болғанын айтты. Сол жерде қолын үсітіп алған. Тіпті итті де аяйсың, ал бұл тірі адам ғой. Студенттер болса, оны аяудың орнына басына жапырақ жапсырып, мазақ етіп кетеді”, – дейді Кирпиченко.
Алматылықтар дәрігер шақырғанымен, Александрдың құжаты болмаған. Оны әзер дегенде 12 қалалық емханаға алып кетеді.
“Бүгінде жағдайы бірқалыпты… Құрттап кеткен жерлері бар. 12 қалалық емханада шұғыл түрде дәрігерлер қарайды”, – дейді дәрігер Асхат Таңсықов.
Александр үйін алаяқтар сатып жібергеннен кейін үйсіз қалғанын айтып берді. Содан кейін ол құлдыққа түсіп, денсаулығын құртқан.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе