Алматылық альфонс 11 әйелді сан соқтырып кеткен
Алматылық Айдана Қамалова өзін екі ай бойы алақанға салып аялап, сосын көлігін мініп қашып кеткен жігітті іздеп жүр.
Бұл туралы 31 арна хабарлайды.
Әбден ренжіген әйел бұл туралы әлеуметтік желіге жазған кезде, ол жігіттен зардап шеккендердің әлдеқайда көп екенін байқаған.
Қыздың айтуынша, ол тәрбиелі жігіт және қымбат сыйлықтар жасаған. Бірақ, бірер айдан соң Айдана жол апатына тап болады. Сол кезде көлікті жөндеуге апаруды сұраған жігіт, сол күйі жоқ болған. Ақыры іздеп таппаған соң қыз полицияға шағымданды. Артынша жігіт те табылған.
“Ол көлікті соғып алғанын айтады. Сосын ол қашан жөндеп боламын дегенше күтуге тиіспін. Бірақ, ол берген уәдесінің ешбірін орындаған жоқ”, – дейді Айдана.
“Маған оның әйелі де хабарласып, жағдайын айтып берді. Ол жігіт әйелін екі баласымен үйсіз, көліксіз қалдырып кетті. Бәрін апарып кепілдікке тыққан”, – дейді Айдана.
Заң өкілдерінің айтуынша, ер адамның әрекеті “алаяқтық” бабы бойынша тексерілуі тиіс.
“Бұл жерде құқық қорғау органдары көлікті оның пин-коды бойынша тұтқынға алуы керек. Екінші – көлікке іздеу жариялау қажет. Ал егер көлік басқа біреудің атына рәсімделіп қойған болса, онда зардап шегушінің өзі сотқа арыздана алады”, – дейді адвокат Серік Айтбаев.
Енді жақында зардап шеккен барлық әйел жиналып, альфонстың үстінен арыз жазбақ.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе