Алматыдағы адамшошырлық жол апаты: Көз жұмған адам жол жөндеуші болып шықты (видео)
Алматыдағы әл-Фараби даңғылында болған жол апатынан қаза тапқан ер адам “Алматы тазалық” компаниясында жол жөндеуші болып жұмыс істеген. Бұл туралы коммуналдық кәсіпорынның Tengrinews.kz -ке берген жауабында айтылады.
“1969 жылғы ер адам “Алматы тазалық” коммуналдық кәсіпорнында 2016 жылдың 1 қарашасынан бастап жол жөндеуші болып жұмыс істеген. әл-Фараби даңғылында Сейфуллин даңғылынан бастап Попов көшесіне дейін тазалық жұмыстарын жүргізген. Күндізгі уақытта жұмыс істеген. Қайғылы оқиға болған кезде ол жұмыс істеп жүрмеген, оның жұмыс уақыты сағат 17.00-де аяқталған. Қызметі барысында оның үстінен ешқандай шағым түспеген”, – делінген компанияның жауабында.
Patrul.kz мәліметінше, жүргізуші сол кезде оқиға орнынан жасырынған. Бірақ біраз уақыттан кейін ол ұсталды. Айта кетейік, қаза болған ер адамның артында екі баласы мен әйелі қалды. Ағасының айтуынша, жүргізушінің туыстары оның отбасынан кешірім сұрады.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе