Алматының қоғамдық көліктерінде осындай негізде хабарландырулар енгізілген.
Алматының қоғамдық көліктерінде оқушыларға, студенттерге, зейнеткерлерге, Ұлы Отан соғысы ардагерлеріне, әртүрлі деңгейдегі мүгедектерге жеңілдік қарастырылған. 2015 жылдың қазан айында „Оңай„ электронды жүйесі енгізілгелі бері жеңілдікке ие адамдар жол ақысының 50 пайызын арнайы карта арқылы төлейді, яғни 40 теңгені.
Біз бұл жайттың анық-қанығын білу үшін Алматы қаласы әкімдігі жанындағы Жолаушылар көлігі және автокөлік жолдары басқармасының басшысы Мақсұт Исаховқа хабарластық.
– Жоқ, қала әкімдігі жолға кететін шығынның 50 пайызын жолаушылар тасымалдаушыларға өтеп береміз. Қалада жеңілдікке ие 12 түрлі әлеуметтік топ бар. Бәрін де өтейміз, тек „Оңай„ картасындағы мәлімет бойынша.
Біз әр автобусқа қай адам жеңілдікпен ақша төлегенін санау үшін адам қоя алмаймыз ғой.
Сондықтан да автобус иелері осындай хабарландыру ілген шығар, – дейді Исахов.
Сонда бұл қаншалықты заңды? Жеңілдіктердің күшін ешкім жойған жоқ қой.
– Жеңілдіктер жойылған жоқ. Келісімшартта жеңілдік бойынша 50 пайыз соманы тасымалдаушыларға өтеу көрсетілген, бірақ „Оңай„ картасының дерегі бойынша ғана. Ал олардың талабы, әрине заңсыз.
Сөз соңында басқарма басшысы хабарландыруды алдыртып тастайтынын, бұл мәселені біржақты етіп шешуге уәде етті.
Дерек көз: 365info.kz