Алматыда үш күнде 65 мас жүргізуші ұсталды

21 ақпан 2017, 16:01

Шара барысында жол-патрульді полиция жасағы қарсы қозғалыс жолағына шығып кету, жолда апатты жағдай тудыру, жүргізуші куәлігінсіз автокөлік жүргізу және өзге жол қозғалысы ережелерін бұзушылықтарды анықтайды және алдын алады.

«Үш күнде жол мегаполистерінде 65 жүргізуші алкогольді ішімдік пен есірткі заттарына мас күйінде ұсталды. Олар мас күйінде көлік басқара отырып, өзіне және жалпы қоғамға қауіп төндірді. Әсіресе ойын-сауық ғимараттарынан шыққан, спиртті ішімдікке сылқия тойған жүргізушілердің рөлге көбірек отыратынын атап өткен жөн», – деп хабарлады Алматы қалалық ІІД жергілікті полиция қызметі басшысының орынбасары, полиция полковнигі Жолдасбек Алмашов.