Алматыда үш әйелді өлтіріп, ағзаларын кесіп алған қанішердің ісі сотқа тапсырылды
Алматыда үш әйелді өлтірген қанішердің ісіне байланысты сот отырысы басталды. Өткен жылы апалы-сіңлілер мен жас қыз қылмыскердің құрбаны болған еді. Ер адам оларды қатігездікпен өлтіріп тастаған, деп хабарлайды КТК арнасы.
Ер адам бірден 6 бап бойынша (асқан қатігездікпен өлтіру, адам өлтіруге оқталу) айыпталып жатыр. Сонымен қатар қылмыскерге тағылған айыптаулар қатарында зорлау, сексуалды сипаттағы зорлық әрекеттері бар.
Кеше, 20 наурызда, алдын ала тыңдалым өтті. Негізгі сот отырысы 4 сәуірде өтеді деп белгіленген. Қылмыс асқан қатігездікпен жасалғанына байланысты, сот процесі жабық тәртіпте өтеді.
Еске сала кетейік, Алматыда қанішердің қолынан апалы-сіңлілілердің қаза тапқаны туралы бұған дейін жазған болатынбыз. Оқиға бойынша 34 жастағы ер адамға іздеу жарияланған еді.
Мұнан кейін апалы-сіңлілерді өлтірген қанішер үшінші адамның көзін жойып үлгергені белгілі болды.
Дереккөз: stan.kz
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе