Алматыдағы атыс: қаза тапқан полицейлердің артында балалары қалды
Алматы қаласы Ішкі істер департаментінің баспасөз қызметі қаладағы қарулы қақтығыс кезінде қаза тапқан полиция қызметкерлерінің аты-жөндері мен суреттерін жария етті.
Атыс салдарынан үш полиция қызметкері көз жұмды. Олар:
Нұрмұхамедов Бауыржан Мәлікұлы – ІІД ӘПБ жол-патрульдік полициясының қауіпсіздік қызметінің аға инспекторы, 1988 жылы туған. Ішкі істер органдарында 2011 жылдан бері қызмет еткен. Үйленген, қызы бар.
Сәлімбаев Мақсат Қолғанатұлы – полицияның кіші сержанты, ІІД ЖПҚ ЖПП полкінің полицейі, 1991 жылы туған, ішкі істер органдарында 2013 жылдан бері қызмет еткен. Үйленген, қызы бар.
Ғалиев Аян Ерболғанұлы – полиция старшинасы, Алматы қалалық МКҚБ ММ полициясы 2-ші батальон полицейі, 1974 жылы туған, ішкі істер органында 1997 жылдан бері қызмет еткен. Үйленген, екі баласы бар.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе