Тәуелсіздік алған алғашқы жылдары Алматыда 1415 кооператив болса, қазір 180 мыңнан аса шағын және орта бизнес субъектісі бар.
Бұл жетістік бүкіләлемдік рейтингте еліміздің 16 сатыға жоғарылап, 35-орынға тұрақтауына септігін тигізді. Оңтүстік астанадағы кәсіпкерліктің дамуы мұнымен бітпейді деп хабарлады Хабар-24 телеарнасы.
Алмас Мәдиев, Алматы қаласы кәсіпкерлік және индустриалды-инновациялық даму басқармасының басшысы:
– Бизнеспен конструктивті диалог жандандырылуда. Шағын және орта бизнес субъектілері мемлекеттік қолдау үшін шаралар күшейтілді. Қазіргі таңда біз бұл жұмысты жасап жатырмыз және де мынау инвестиция тарту және инновациялық дамыту бойынша кешенді шаралар қабылданып, қазір нақты жұмыс жасалып жатыр.