Алматыда прокуратура басқармасының басшысы ұсталды
Алматыда қалалық прокуратура басқармасының басшысы Виктор Тихонов уақытша ұстау изоляторына қамалды.
Бұл туралы ҚР Бас прокуратурасының баспасөз қызметі хабарлады.
“Бас прокуратураның Тергеу департаменті Алматы қаласының Наурызбай аудандық ІІБ тергеушісі Е.Әнуарбек пен прокуратура қызметкері В.Тихоновқа ҚР Қылмыстық кодексінің 413-бабы, яғни “Қылмыстық жауаптылықтан көрiнеу заңсыз босату” бойынша қылмыстық іс қозғады”, – делінген ҚР Бас прокуратурасының хабарламасында.
Е.Әнуар мен В.Тихонов бұрын бірнеше мәрте сотты болған Ж. және Д.-ны қылмыстық жауаптылықтан заңсыз босатқан. Ал оның бірі тағы да қайта ауыр қылмыс жасап, қолға түсті. Осыған байланысты қызметтік қылмыс жасады деген күдікпен Е.Әнуарбек пен В.Тихонов Бас прокуратурамен ұсталып, уақытша тергеу изоляторына қамалды.
Тергеу әрі қарай жалғасуда, бұдан басқа ақпарат тергеу мүддесіне орай жарияланбайды.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе