Алматыда күндізгі уақытта пәтер тонаумен айналысқан қылмыстық топ ұсталды

7 желтоқсан 2018, 14:41

122

Криминалдық полиция басқармасы мамандарының мәліметінше, ұрылар ұсталғанға дейін бірнеше минут бұрын “Жұлдыз” ықшамауданында бір үйді тонап кеткен. Оқиға орнынан қашпақшы болған ұрылардың автокөлігін Алатау ауданында тоқтатты.

Аң терісінен жасалған ішіктерді қылмыстық жолмен иемденген ұрылардың көлігінен тәркіленді.

Тергеу барысында фигуранттардың Шығыс Қазақстан облысының 25-29 жас аралығындағы тұрғындары екені анықталды. Олар Алмалы, Бостандық және Түрксіб аудандарында кем дегенде төрт пәтерді тонау дерегі бойынша қатысы бары белгілі болды. Олар тек күндіз жұмыс істеген.

Ұсталғандар қамауға алынды. Олардың басқа да қылмыстарға бар-жоғы анықталып жатыр Сотқа дейінгі тергеу шаралары жалғасып жатыр.