Алматыда Алатау ауданында шүберекке оралған жаңа туған нәресте табылды.
Бұл туралы patrul.kz хабарлайды.
Кездейсоқ өтіп бара жатқан жаяу жүргіншілер шүберекке оралған нәрсені күшік не мысық деп ойлап, көмекке келген. Бірақ жақындай бергенде жаңа туған шақалақ жатқанын көреді. Тауып алған адамдар полиция мен жедел жәрдем шақыртқан.
Полиция қызметкерлері мен жедел жәрдем оқиға орнына бірден келген. Табылған нәресте қыз екен.
«Жедел жәрдем бригадасы нәрестені Балалар қалалық клиникалық жұқпалы аурулар ауруханасы жеткізді. Шақалақтың туғанына 5-6 күн болған. Баланы Черемушки көшесінен тауып алған. Баланың жағдайы қазір қанағаттанарлық. Нәресте түгел тексеруден өтті», – дейді Балалар қалалық клиникалық жұқпалы аурулар ауруханасы 9-бөлімі жетекшісінің міндетін атқарушы Ләззат Есқалиева.