Алматы қаласында жаяу жүргіншілерге арналған көпірден адам құлап кетті, – деп хабарлайды ҚазАқпарат.
Төтенше жағдай Саин көшесінің бойында орын алған.
Орын алған оқиға куәгерлерінің сөзінше, көпірде велосипед қалған. Ол құлаған адамға тиесілі болуы ықтимал.
Оқиға орнына жедел жәрдем шақырылып, көпірден құлаған адам №7 ауруханаға жеткізілген. Дәрігерлердің айтуынша, оның жағдайы ауыр.