Алматыда ХҚО-ға келген әйел адам директордың кабинетінде егіз босана бастады. Бұл туралы Facebook желісіндегі парақшасында қоғаммен байланыс департаментінің басшысы Мұрат Жұманбай хабарлады, деп жазады Today.kz.
Оқиға 7 қараша күні болғанымен, елге енді жария болып отыр.
“7 қарашада Әлия Алтыняй Медеу аудандық ХҚО-ға “бала босанғанға дейінгі” жәрдемақыны рәсімдеуге барады. Талон алайын деп жатқанда толғағы басталып кетті. Кейіпкеріміз жедел жәрдемді ХҚО директорының кабинетінде күтті. Оны орталық қызметкерлері жіті қадағалап тұрды. Жедел жәрдем келген кезде Әлияның суы кетіп, перинаталды орталыққа жетіп жығылып екі қызды дүниеге әкелді. Медеу ХҚО-ның барлық қызметкері одан хабар күтіп, Әлия перзентханадан шығатын күні оны құттықтап барды”, – деді Жұманбай.
Бақытты ана Эда мен Элифтің алдында Әли есімді бір ұлы бар екенін айтты.
“Қыздарына мұндай ерекше есімді берген себебі әкесінің ұлтымен байланысты, екі есім түрік тілінен аударғанда “жомарт” және “төзімді” дегенді білдіреді.
Сурет: facebook/@Murat Zhumanbai