Алматыда енесіне жыныстық зорлық жасады деген күдікпен ер адам ұсталды
Алматыда ер адам әйелінің анасына жыныстық сипаттағы зорлық-зомбылық жасады деген күдікке ілінді. Оқиға жәбірленушінің қызы полицияға арыз бергеннен кейін белгілі болған, деп хабарлайды 365info.kz сайты Astana TV-ға сілтеме жасап.
Оқиға 17 тамызда болған. Алдын ала мәлімет бойынша, күдікті 1961 жылы туған енесінің үйіне «шай ішуге» барған. Кейін оның әйелдің дәрменсіз жағдайын пайдаланғаны және жыныстық сипаттағы зорлық әрекеттерін жасағаны болжанып отыр.
Бұған дейін қылмыстық істің қаралуы созылып кеткені туралы ақпарат тараған. Бұған сот-медициналық сараптамаға қатысты құжаттардың дұрыс рәсімделмеуі, сондай-ақ полиция мен сарапшылар арасындағы бюрократиялық мәселелер себеп болғаны айтылған.
Осыған байланысты қоғам белсенділері Алматы қаласының прокуратурасы мен заңгерлерді істің заң талаптарына сай қаралуын бақылауға шақырды. Күдіктінің кінәсі сотта дәлелденген жоқ. Тергеу нәтижесі мен сот шешімі оның кінәсін анықтайды.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе