Алматыда бес жігіт ер адамды тұтқындап, туысқандарынан 500 мың теңге талап етті

Алматы облысында қала тұрғынын тұтқындаған бір топ жігіт қолға түсті.

Бұл туралы  BNews.kz хабарлайды.

Талғар аудандық ІІД-не Алматы тұрғыны ағасының тұтқындалғанын, оның өмірі үшін біреулер 500 000 теңге сұрап отырғанын айтып, хабарлама түсірді. Тұрғын дәл сол сәтте белгісіз жандарға ақша беруге бара жатқанын айтқан.

“Ұрланған адамның туысқаны 450 000 теңге көлемінде қаражатты қылмыскерлердің біріне берді. Содан кейін қылмыскер пәтердің шарбағына кіріп кетті. Аталған дерек бойынша құрықтау жоспары жүргізіліп, қылмыскерлер тәртіп сақшыларының қолына түсті”, – деді облыстық ІІД ресми өкілі Көбейхан Нұрахмет.