Алматыда әл-Фараби даңғылында батысқа бағыт алған Mitsubishi Delica маркалы шағын автобус өртеніп кетті.
Бұл туралы ҚазАқпарат хабарлады. Жолдағы көпшіліктің көмегіне қарамастан, көлік аздаған уақытта темір қаңқаға айналды.
Оқиға орнына жеткен өрт сөндірушілер тілсіз жау аптап ыстықтан да тұтануы ғажап еместігін айтқан.
Қазір өрттің шығу себептерін анықтау үшін сараптама тағайындалды.
Айта кету керек, осыдан 3 күн бұрын синоптиктер Алматыда аптап ыстық болатынын ескертіп еді.
Бүгін көлеңкеде ауа температурасы 39 градус болса, көлік ішінде сынап бағанасы 50 градусқа дейін жетті.
Ауа райын болжаушылар, келесі аптада Алматыда жауын жаууы ықтимал деп отыр.