Алматыда таяуда ірі өрт болған Almaty Towers бизнес-орталығында орналасқан «Батут орталығы» ЖШС директоры ұсталды.
Бұл туралы қалалық ІІД баспасөз қызметіне сілтеме жасап Қазақпарат хабарлайды.
«2016 жылғы 12 қарашада «Батут орталығы» ЖШС директоры 1983 жылы туған Д.Тұяқов ҚР ҚПК 128-бабына сәйкес ұсталып, ҚР ҚПК 292-бабының 3-бөлігінде көзделген қылмысты жасады деген күдікпен уақытша ұстау оқшаулағышына қамалды», – деп хабарлады ведомстводан.
Еске сала кетсек, бизнес-орталықтың отқа оранғандығы туралы ақпарат 6 қарашада сағат кешкі жетіде түскен. Өртті сөндіру кезінде 80 адам эвакуацияланды. Жалын шарпыған аймақ 1800 шаршы метрді құрады. Салдарынан бір адам мерт болды. Келесі күні үйінді астынан тағы да бес адамның мүрдесі табылған. Олар алматылық жоғары оқу орындарының студенттері болып шықты.
Алматы әкімі бизнес-орталыққа барды. Almaty Towers компаниясының басшысы ғимаратты қарау барысында қаза тапқандар отбасыларына 3 млн. теңгеден төленеді деп мәлімдеді.