Алматы полициясы Назерке Әріпті өлтірді деген күдіктіні құрықтады
Бұл туралы қалалық ішкі істер департаментінің баспасөз қызметі хабарлады.
Күдікті – Алматы облысы Талғар ауданының тұрғыны, 1984 жылы туылған К. деген азамат екен.
https://kaz.365info.kz/bizdin-khyzga-ykhsajdy-nazerke-ariptin-denesi-khajdan-tabylgany-belgili-boldy-279012
«Медеу ауданы ішкі істер басқармасындағы әріптестерімізбен бірлесіп, қылмыскерді іздестіру және қылмысын дәлелдеу базасын жинақтау үшін жедел-іздестіру шараларын қолға алдық. Қазір күдікті қамауға алынды.
Күдіктінің жекеменшік «таксист» болып, адам таситыны анықталды. Қылмыс жасалған күні ол Назеркені айтқан жеріне апармақ болып, мәшинесіне отырғызған. Одан кейін зорлап, буындырып өлтірген. Қылмысын жасыру мақсатында бойжеткеннің мәйітін қала шетіндегі зират маңына апарып тастаған.
Қазір күдікті қылмысын мойындады, оның айтқаны дәлел базасындағы мәліметтермен де расталып отыр. Бұл іс бойынша сотқа дейінгі тергеу амалдары жүргізілуде», – дейді Алматы қаласы ішкі істер департаменті Криминалдық полиция басқармасының басшысы, полиция подполковнигі Жанболат Зиадин.
https://kaz.365info.kz/nazerkemdi-khajtaryndarshy-tyzdybastauda-bir-aj-byryn-zhogalgan-khyz-tabyldy-278969
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе