Алматы облысында көшеде серуендеп жүрген жайра видеоға түсіп қалған

Есік қаласында үнді жайрасын видеоға түсіріп алған.

Үнді жайрасы жайралар тұқымдасының кеміргіштер отрядына жатады. Қазақстан фаунасында бұл отрядтың жалғыз түрі бар. Оңтүстік Маңғышлақта, Талас, Қырғыз және Іле Алатауы мен Қаратауда, Шу-Іле тауларында кездеседі. Алматы облысының аумағында Іле Алатауында кездеседі.

“ХХ ғасырдың бірінші жартысында Алматы маңында кең тараған, таралу аймағы Түрген өзенінің аңғарына жеткен. Адамдардың тіршілік әрекетінің нәтижесінде өзінің тарихи аумағынан ығыстырылған. Іле-Алатау мемлекеттік ұлттық табиғи паркінің деректері бойынша, Іле Алатауы және оған іргелес аумақтар шегінде Үнді жайрасының саны 30 бастан аспайды. Жануарлардың бұл түрі Қазақстанның Қызыл кітабына сирек кездесетін және жойылып бара жатқан түр ретінде енгізілген”, — деді Қазақстанның экология, геология және табиғи ресурстар министрлігінің баспасөз хатшысы Самал Ибраева.