Нұр-Сұлтан
Қазір
9
Ертең
6
USD
425
+1.44
EUR
498
+0.42
RUB
5.56
-0.01

Алматы облысында дипломы жоқ мұғалімдер сабақ беріп жүр

“Бұл жерде балаларға білім беріліп жатқан жоқ. Білім сапасы бойынша біздің мектеп аудан бойынша соңғы орында тұр. Ауданнан келген комиссия мұнда колледждің анықтамасымен сабақ беріп жүрген мұғалімдерді анықтады. Бәріне директор кінәлі. Ол кадр жетіспей жатыр деп емес, керісінше бәрі керемет деп есеп берген”, – дейді ауыл тұрғыны Мұсабай Мұстафаев.

Комиссия анықтағандай, тарих пен психологиядан сабақ берген мұғалімнің қолында не жоғары білім туралы, не жұмыс тәжірибесі туралы құжат жоқ. Тек аттестат ғана. Оларды жұмыс қуғанымен, сырттай оқып жатқан үш мұғалімді қалдырған.

“Мен жұмыс істеген екі жылда 15 педагог ауысты. Келген жастар жағдай жоқ деп қайта кетіп қалады. Осы жылы бірнеше адамды жұмысқа алуға тура келді. Бірақ, тексерістен кейін оларды және орынбасарымды жұмыстан шығарды. Дегенмен кадр мәселесін шешетін боламыз”, – деді мектеп директоры Нұрдәулет Омаров.

Енді қазір мектепте тарих пен еңбек пәнінен сабақ беретін маман жоқ. Психолог та жетіспейді. Балаларының болашағына алаңдаған ата-аналар енді сабаққа қатысып, қадағалауға мәжбүр.

Серіктестер жаңалықтары
Көп қаралған
© «365 Info», 2014–2020 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз