Алматы облысы аумағында ішінде бес адам болған Ан-28 ұшағы құлады.
Бұл туралы zakon.kz хабарлайды.
Алматыдан 28 шақырым жерде Алматы-Шымкент бағытында ұшқан East Wing әуе компаниясына тиесілі ұшақ құлады.
Борт Алматыдан 18:35-те шығып, Шамалған аумағына келген кезде радардан жоғалып кеткен. Белгілі болғандай бұл санавиация екен. Ұшақ бортында бес адам болған. Ұшақ құлағаннан кейін түгелімен жанып кеткен.
“3 қазан күні сағат 19:15-те Алматы облысы, Іле ауданында Междуречинск ауылына жақын маңда санавиация желісі бойынша ұшу кезінде Ан-28 маркалы ұшақ құлап, өртенді. Ұшақ бортында болған 5 адам да қаза тапты”, – деп хабарлады ҚР ІІМ ресми өкілі Руслан Иманқұлов.
Алматы облысы әкімдігі мәліметінше, Ан-28 шаруа қожалығы аумағына құлаған.
ҚР инвестиция министрлігі оқиға орынында өрт сөндірушілер мен құтқарушылар тобы жұмыс істеп жатқанын хабарлады.