Алматы әкімдігі жанар-жағармайдың қымбаттауына байланысты түсініктеме берді
Алматыда АИ-92 жанар-жағармай құны 150-151 теңгеден саудаланып жатыр. Бір күнде бензиннің құны 3-4 теңгеге бірден қымбаттаған.
Алматы қалалық көлік пен автомобиль жолдары басқармасының басшысы Мақсұт Исахов жанармай бағасының қымбаттауына байланысты қала іші қатынайтын автобустардың жол ақысы көтерілмейтінін айтты, деп хабарлайды ҚазАқпарат.
«Бізде 3 автобус паркі газбен жұмыс жасайды. Троллейбус паркі бар. Жекеменшік автопарктер жанар-жағармай, дизель отынын пайдаланады. Қазір мемлекет жанармай бағасын реттемейді. Оны нарық өзі қалыптастырады. Әрине, оларға оңай емес. Бірақ сараланған тариф енгізілгеннен бері автопарктердің табысы екі есеге артты. Заңды ақша айналымы көрініп тұр қазір. Жүйенің ашықтығы бұрынғы көлеңкелі экономиканың көріністерін жоя бастады. Ақша жүргізушінің қалтасына емес, ортақ кассаға түсіп жатыр. Бұған жеке автопарктердің 254 жаңа автобус сатып алуға жасалған келісімшарты дәлел болады», – деді басқарма басшысы.
«2016 жылдың қыркүйегінен дизель отынын сатып алуға қаржы беруді тоқтаттық. Өйткені отын бағасын мемлекет реттемейді. Сонда да қазір дизельге тапшылық жоқ. Бағаны нарық реттейді. Алайда, жол жүру ақысы көтерілмейді», – деді Мақсұт Исахов.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе