Алматы қаласының Наурызбай ауданында сел жүрді,- деп хабарлайды ІІМ Төтенше жағдайлар Комитеті баспасөз қызметі.
“Толассыз жауған жаңбырдың салдарынан Алматы қаласы Наурызбай ауданы Ақсай шатқалында Қызылжар өзенінде су көтеріліп, сел жүргені анықталды.
Су тасқыны пионер лагеріне баратын жолды жауып,асфальтпен төмен аққан. Зардап шеккендер мен қаза болғандар жоқ .
Оқиға орнында қалалық “Қазселден қорғау” басқармасының жұмысшылары мен арнайы техника қалпына келтіру жұмыстарын жүргізуде”, деп хабарлайды ТЖК өкілдері .
Сонымен қатар,Талғар ауданында да толассыз жауған жаңбырдың салдарынан лай көшкіні болды. Нәтижесінде “Талғар-Спутник жазғы лагеріне баратын жол жабылды.
Оқиға орнында кезекшілік ұйымдастырылып,төтенше жағдайды қадағалауға тапсырма берілді.