Әлеуметтік желідегі суицидтік топтарға қатысты Астана-Мәскеу-Бішкек телекөпірі өткізіледі

7 ақпан 2017, 17:02

Әлеуметтік желілердегі кейбір топтар жасөспірімдер мен балаларды ойынға шақырады. Бұл ойынның шарты бойынша, әрбір қатысушы 50 тапсырма орындап, ақыр соңында өз-өзіне қол жұмсауы тиіс. Оның құрбандары да бар. Негізінен, Ресей тарапынан бізге келіп жатыр. Сондықтан мамандар бұл мәліметке қатысты толық ақпаратпен арнайы телекөпір кезінде бөліспек.

Телекөпірге Астанадан қатысатындар:

— ҚР ақпарат және коммуникациялар министрлігінің БАҚ саласындағы бақылау басқармасының басшысы Азамат ҚАБДЕШЕВ;
— ҚР білім және ғылым министрінің балалар құқығын қорғау мәселелері жөніндегі кеңесшісі Бәлия ӘКІМБЕКОВА;
— Отбасы және отбасылық құндылықтарды қолдау бойынша Қазақстан ата-аналар қауымдастығының президенті Әмина ЖОМАРТҚЫЗЫ;
— ҚР дін істері және азаматтық қоғам министрлігінің өкілі.