“Алданып қалмаңыз”. Алматы облысында алаяқтар жалған ақша таратып жүр
Алматы облыстық ішкі істер департаментінің қызметкерлері тұрғындарға алаяқтықтың жаңа түрі пайда болғанын ескертеді.
Бұл туралы ҚазАқпарат хабарлады.
Облыстың полицейлері алаяқтық фактілерінің алдын алуға және ашуға бағытталған әрекеттерін жандандыра түсті. Соңғы бірнше тәулікте алаяқтық жасағаны үшін күдікті тұлғалар ұсталған бес факті ашылды. Көбінде алаяқтар егде жастағы адамдарды таңдайды. Себебі қариялар өте сенгіш және өзінің алданып жатқаны ойына да кіріп шықпайды.
Ал алаяқтықтың жаңа түріне келер болсақ, қылмыскер өзін түрлі мемлекеттік мекеме қызметкерімін деп таныстырып, құны «1000» теңгелік ескі үлгідегі ақшаны айырбастауды ұсынады. Әрі қарай отандық валюта ақша белгілерінің суреті бар жалған ақшаға айырбастап, алдап соғуда. Полиция қызметкерлері Алматы облысының тұрғындарына, абай болуды, үйге келіп, ақшаны айырбастауды не болмаса басқа күдікті ақша келісімдерін ұсынатын бейтаныс адамдарға сенбеуін сұрайды.
Негізделген күдік болса, полицияға қоңырау шалып хабарласуы қажет деп кеңес береді.
Серіктестер жаңалықтары
© «365 Info», 2014–2024 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз