Ақтөбелік кәсіпкер Олимпиада чемпионы Елдос Сметовке 100 жылқы сыйлады
Бірер күн бұрын Елдос Сметов дзюдодан ел тарихындағы тұңғыш Олимпиада чемпионы атанды.
Президент Қасым-Жомарт Тоқаев Париж Олимпиадасының чемпионы Елдос Сметовті құттықтады.
«Қазақтың рухын, жалпы халқымыздың мықты мінезін көрсеттің. Бәріміз сені мақтан тұтамыз. Сөзіңде тұрдың, тамаша жеңіске жеттің, нағыз жігітсің! Сен сияқты жігіттердің арқасында туымыз әрқашанда асқақтап, желбірей берсін. Жаңа жеңістерге жете бер. Саған және отбасыңа аманшылық тілеймін. Астанада кездескенше!», – деді Президент.
Париж Олимпиадасында Қазақстан туын көкке көтерген спортшыға ақтөбелік кәсіпкер ерекше сыйлық тарту етті.
«Ердің құны – 100 жылқы деген. Қаймана қазақтың ежелгі салтын жалғастырған Ақтөбе облысы, Байғанин ауданы, Жарқамыс ауылының тумасы Ануар Ақмырзаұлы ағамыз көк туымызды желбіретіп, елімізді әлемге танытқан Елдос батырға 100 жылқы сыйға тартты. Елдоспен телефон арқылы байланысқа шығып, жеңісімен құттықтады. Сонымен қатар, елге келгенде күтіп алатынын айтты», – деп жазды желі қолданушысы.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе