Ақтөбеде зорламақ болған адамнан қашқан қыз терезеден секіріп, омыртқасын сындырды

Ақтөбеде 21 жастағы қыз тұрғын үйдің екінші қабаттағы терезесінен секіріп, омыртқасын сындырып алған, – деп хабарлайды “Актобе Таймс”. Кейбір мәліметтер бойынша, қызды қаладағы коммуналдық мекеменің қызметкері зорламақшы болған. 

Оқиға қазанның 13-не қараған түні жалдамалы пәтерде болған.

“Қыз бала 13 қазанда таңғы 8-де бізге түсті. Тексеруден өтті. Омыртқа бөлігіндегі беломыртқасы сынып, оң аяғына зақым келген. Оның қан құрамынан алкоголь табылған. 17 қазанда ол өз аяғымен ауруханадан шықты”, – деді темір жол ауруханасы директорының орынбасары Гүлмира Құлжанова.