Ақтөбедегі Құдайберген Жұбанов атындағы мемлекеттік университетте шу шығарған жұмысшылар ақшаларын алып қарық болды.
Бұл туралы КТК арнасы хабарлайды.
Ақыры университеттің жатақханасын жөндеуге тендер ұтып алған компанияның есеп шотына қосымша ақша аударған. Он ай бойы келісім-шарттың жоқтығынан ақыларын ала алмаған жиырмаға жуық жұмысшы енді сол серіктестіктен жалақыларын алыпты. Ал олар жөндеген саунаның есігі әлі күнге жабық тұр. Бұған дейін ректор Бауыржан Ердембеков мұнда сауна атымен жоқ деп байбалам салған еді.
“Бұл ғимаратың жертөлесінде спорт жаттығуларынан кейін жууынуға арналған сауна 1999 жылы салынған. Соңғы бес жылда бұл бөлмелер зат қоймасы ретінде қолданыста”, деді Қ.Жұбанов атындағы өңіраралық университетінің орталық жетекшісі.