Ақтөбеде лифт жаншып өлтірген тележүргізушінің қызы бас жарақатымен ауруханаға түсті
Ақтөбеде лифт жаншып өлтірген тележүргізушінің ажалдан аман қалған қызы бас жарақатымен ауруханаға түсті.
Бұл туралы КТК арнасы хабарлайды.
Ақтөбеде көпқабатты үйдің лифтінде тележурналист әйел қаза тапты. Марқұмның 3 жасар қызы анасының қиналған сәтін көзімен көріпті. Ол оқиға орын алған сәтте кабина ішінде болған.
“Тросы үзілмеген дейді. Негізі жартылай істеп тұрған лифт. Бала бірақ ілініп қалды дейді. Қай жаққа ілініп қалды, білмейміз. Лифт сүйреп әкеткен келіншектің бірден көп жұмыпты. Ал кабина ішінде үш жасар қызы болған”,-дейді марқұмның ағасы.
“Жедел жәрдем жеткенде келіншек көз жұмған. Қасында кішкентай қызы жылап отырды. Бүлдіршін шошынып қалған. Бас жарақатын алыпты. Оны балалар ауруханасына жеткіздік. Ал келіншектің аман қалу мүмкін емес еді. Себебі қан тамырларының барлығы үзілген”,-дейді Ақтөбе облыстық жедел жәрдем бекеті бас дәрігерінің орынбасары Дастан Панақызы.
Қазіргі таңда ҚР ҚК 278 бабы 2 бөлігі бойынша сапасыз құрылыс кесірінен адам өліміне әкеліп соқтыру дерегі бойынша қылмыстық іс қозғалды.
Естеріңізге сала кетейік, оқыс оқиға 2018 жылдың 4 сәуірінде 12 ықшам ауданының №19 үйінде болды. Әйел лифтке үш жасар баласымен бірге кірген. Дәрігер мамандардың айтуынша, ол лифт кабинасына толық кіріп үлгермеген. Осыған қарамастан лифт төменгі қабатқа қарай жылдам жүріп кетеді.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе