Ақтөбеде 40 жастағы педофил інісінің қызын алты жыл бойы зорлаған
Ақтөбе облыстық қылмыстық істер жөніндегі ауданаралық мамандандырылған сотында 12 жастағы қызды алты жыл бойы зорлап, азғырып келген ер адамға қатысты үкім шығарылды, – деп хабарлайды Timeskz.kz.
Сотта 40 жастағы ер адамның 2016-2017 жылдар аралығында інісінің асырап алған қызын зорлағаны анықталды. Қыз бұл сұмдықтың бәрін шешесінен жасырып қалған. Сотқа дейінгі тергеу барысында қыздың 6 жастан бастап зорланғаны анықталған. Құқық қорғау органдары педофилді ұстап, қамауға алған.
Сот ер адамды кәмелетке толмаған адамға қатысты күш қолданып жыныстық қатынас жасады және жәбірленушінің дәрменсіз күйін пайдаланды деген тоқтамға келіп, ҚР Қылмыстық кодексінің 120 және 124-баптарының негізінде 17 жылға бас бостандығынан айырды. Ол жазасын барынша қауіпсіздік деңгейіндегі атқару жүйесі мекемесінде өтейді. Сонымен қатар, сотталушы балаларға қатысты қызметпен айналысу құқығынан өмір бойына айырылды. Келтірілген моральдық шығынды (1 миллион теңге) өтеу туралы азаматтық талап-арыз толықтай қанағаттандырылды. Сот үкімі заңды күшіне енбеді.
Серіктестер жаңалықтары
© «365 Info», 2014–2024 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз