Ал ұйықтап жатқан 17 жастағы Алексей соққыдан шошып оянып, «не үшін» деп айқайға салды.
Ұйқыдағы жігітіттің өгей ұлы болып шыққанын көрген Рамиз не істегенін түсініп, тіпті тілі байланып, қолындағы пышағының қалай түсіп кеткенін де аңғармай қалды. Сол кезде ағасының дауысын естінен Рамиздің 12 жасар қызы бөлмеге жүгіріп келеді. Алексей кішкентай қарындасын шақырып, тез арада 103-ке қоңырау шалуын сұрайды. Үйге келген жедел жәрдем жігіттің көкірегін матамен орап, оны балалар ауруханасына жеткізеді. Онда Алексейге ота жасалды.
Ал таңертең полиция қызметкерлері өгей ұлына пышақ сұғып алған Рамизді ұстап, бөлімшеге алып кетті. Сараптама нәтижесі оның орташа ауырлық жаңдайда мас болғанын көрсетті.
Бақытымызға орай, Алексейдің жүрегіне бірнеше миллиметрге жетпеген пышақ күретамырға тимеген. Сарапшылар жарақатты ауыр жарақат ретінде сипаттады. Жастығына, денсаулығына және жедел медициналық көмектің арқасында 17 жасар бала аман қалды және ауруханадан шығарылды.
8 қарашада Ақтөбенің №2 қалалық сотында осы іс бойынша алдын ала тыңдалым өтті. Сотқа жәбірленуші Алексейдің қылмыс жасалған кезде 17 жаста болғаны анықталды. Демек, бұл қылмыстық іс кәмелетке толмағандардың істері жөніндегі мамандандырылған соттың қарауына жатады. Сол себептен №2 қалалық соттың судьясы Гүлнар Тілепова істі арнайы соттың қаралуына жіберді.
Тыңдалымға жарақаттан аман қалған Алексей мен анасы келді. Олар Рамиздің бұл әрекетін кешіргендерін айтты.
Айыпталушы болса сот алдында «кәмелеттік жасқа толмаған адамның денсаулығына қасақана ауыр зиян келтіру» бабы бойынша жауап береді. Сондай-ақ, бұл бап 5 жылдан 10 жылға дейінгі мерзімге бас бостандығынан айыруды көздейді.