Ақтөбе облысындағы мешіт имамдарының бірі оқушы қызының орамалын шешкізбей жүр
Ақтөбе облысында 7 оқушы қыз орамалдарын шешпей жүр.
Бұл туралы облыстық дін істері басқармасының басшысы Жолдас Қалмағанбетов Aktobenews.kz тілшісіне айтып берді.
«Қазіргі таңда облыс бойынша 9 қыз бала орамал тағып жүр. Кеше ғана Алға ауданына барып келдім. 2 қыздың ата-анасы көнді. Қазір орамал тағып жүрген 7 оқушы ғана қалды. Бұл ресми мағлұматтар. Сенбесеңіз, көрсете аламын», — деді басқарма басшысы.
Жолдас Қалмағанбетовтың сөзінше, 7 оқушының бірі — Ақтөбе қаласындағы мешіттердің біріндегі имамның қызы.
«Олармен түсіндіру жұмыстарын жүргізіп жатырмыз. Орамалын шешпей жүрген балалардың барлығы — 10-11 класс оқушылары. Олар бізге қарасты мекеме болмағандықтан, біз оларға бұйыра алмаймыз. Сондықтан облыстың бас имамы, мүфтияттың тарапынан оларға түсіндіру жұмыстары жүргізіліп жатыр», — деп мәлімдеді басқарма басшысы.
Серіктестер жаңалықтары
© «365 Info», 2014–2024 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз