Ақтауда сексенге жуық тұрғынды алдап соққан алаяқ әйел мен оның екі сыбайласы ұсталды, деп хабарлайды 24.kz.
2015 жылы «Форте лайн» деген тұрғын үй кооперативін құрған пысықай алдымен әлеуметтік желілерге хабарландыру береді.
Тәртіп сақшыларының айтуынша, жалған тұрғын үй кооперативінің кеңсесі Алматы облысында заңды тіркелген. Демек алаяқтардың арбауына түскен азаматтар саны еліміз бойынша әлі де өсуі мүмкін.
Асхат Омаров, қалалық ІІБ басшысының орынбасары:
– ҚР қылмыстық Кодексінің 190 бабы, 4 бөлігімен іс қозғалып, бұлтартпау шарасымен қамауға алу қолданылып, қазір абақтыда отыр. Сотқа дейінгі тергеп-тексеру амалдары жүргізіліп жатыр. 12 жылға дейін сот үкімімен кесілуі мүмкін. Біз қазір бұл кісінің қандай да мүліктерін, банктердегі шоттарын тексеріп жатырмыз.