Ақтауда полиция қызметкерлері жезөкшелердің үйлеріне өздері барып “қоғамдық жерде мойынға асылу” бабы бойынша айыппұл салуда.
Бұл туралы қалалық ІІД басқарма бастығының орынбасары Аманнілла Әбдуатов айтты деп хабарлайды lada.kz.
“Жезөкшелікпен айналысатындарды анықтау шаралары апта сайын жүргізіледі. Біз ең криминалды аудандарды учаскелік полиция қызметімен бірге тексереміз, – дейді Әбдуатов
Біз дәлелдемелер іздеп тапқасын оларды әшкерелеуге барамыз. Егер “түнгі көбелектер” есікті ашпаған жағдайда аштыруға тырысып, дегенімізге жетеміз.
Негізінде алдын ала ескертпей-ақ дереу айыппұл саламыз, себебі ескертпеден бәрібір ештеңе шықпайды. Жезөкшелермен түрлі сұхбат-кеңестер өткізіледі, оған қарамастан олар қайтадан үйреншікті істеріне қайта оралады.
Егер қыз екінші рет ұсталса, істің құжаттарын сотқа тапсырамыз. Оларды бес күнге тұтқынға аламыз немесе 10 АЕК (24 050 теңге) көлемінде қайтадан айыппұл салынады. Егер жезөкшелікпен айналысатын қыз өзге мемлекеттен болса, ісқағаз дереу сотқа беріліп, олар оны елден шығаруға шешім шығарады.
Қоғамдық жерде мойынға асылу, соқтығу орын алған жағдайда алғаш рет әкімшілік кодекске сай 5 АЕК немесе 12025 теңге көлемінде айыппұл төленеді.
Естеріңізге салсақ, Қазақстанда “интимдік” қызмет көрсету әкімшілік құқықбұзушылыққа, қылмысқа жатпайды. Оған қарамастан, Әбдуатов “полиция қызметкері мен жезөкше арасында жүргізілген әңгіме-сұхбат бейнетаспаға жазылып, олардың туыстарына жіберіледі”, – дейді.
https://kaz.365info.kz/almatynyn-bir-khazagy-atyraudan-zhezokshehana-ashypty-300807