Назарларыңызға телефонды өзге адамдар қалай бұзып кіруі мүмкін екенін, екіншіден оның бұзылғанын қалай анықтауды және одан қорғанудың жолдарын ұсынамыз.
Бұл туралы AdMe.ru жазады.
Ең жеңіл әдісі – телефонды бірнеше минутқа алып, оған Spy Phone App, Spyzie, Theonespy, Spyera қосымшаларын орнатып тастау.
Кафе және әуежайдағы қорғалмаған Wi-Fi желісі арқылы да оңай. Ол арқылы сіз өзіңіздің шифрланбаған трафигіңізді қолданысқа беріп қоясыз.
SMS-фишинг — сізге сілтемемен хабарлама жіберіледі. Ол сіздің банкіңіздің есебі, ақшалай төлем немесе сіздің суретіңіз болуы мүмкін. Файлды жүктеу арқылы, қаражатыңызды хакерлерге ұсынып қою қауіпі жоғары.
Әдетте хакерлер әйгілі адамдардың телефонын SS7 сигналдық хаттамасымен тыңдау арқылы, олардың есепшоттарындағы ақшаға иелік еткісі келеді.
Аппарат кенеттен жылдам қуаттала бастаса. Бұл дегеніңіз сіздің телефоныңызда бақыланбаған қосымша жұмысын бастап кетті деген сөз. Телефон қызып кетсе де аппарат та беймәлім қосымша іске қосылып кетті дегенді аңғартады.
Егер телефон өздігінен қосылып-өшіп, нөмірлерді теріп жатса және ол операциялық жүйенің ақауынан емес болса, онда сізді әлдекімдер тыңдап жатуы мүмкін.
Егер сізге сілтемемен смс-хабрлама келсе және ол жерде толық URL пайда болмаса оны ашпау керек. Егер телефоныңызды басқа біреудің компьютері арқылы қуаттасаңыз, онда “Тек қуаттау” (Только питание) дегенді белгілеу керек.
Паролді еске салатын режимді қолданбаған жөн. Сонымен қатар, Wi-Fi-нүктелерін таңдаған кезде күмәнді – FreeInternet, wifiFree секілді атауы бар желілерді таңдамаған дұрыс. Сондай-ақ, қоғамдық Wi-Fi-желі арқылы сатып алу, ақша төлемдерін жасаудың да пайдасы аз. Егер сіздің телефоныңыз Android болса, онда мықты антивирус бағдарламасын орнатыңыз.