АҚШ соты Қазақстан тарапының шағымына сәйкес Храпунов ісін қайта қарайтын болды

АҚШ-тың Калифорниядағы федералдық апелляциялық соты Қазақстан Республикасының Храпуновтарға қарсы ісіндегі позициясын қолдады.

Бұл туралы ҚР Әділет министрлігінің баспасөз қызметі хабарлады.

2014 жылы Алматы қаласының әкімдігі Калифорния штатының (АҚШ) сотында қаланың бұрынғы әкімі Виктор Храпунов, оның отбасы мүшелері мен олардың АҚШ-та тіркелген жалған компанияларына қарсы талап-арыз берді. Талап-арызда талапкердің құқығын қорғау жөніндегі алты шарт жасалған, соның ішінде бопсалаумен және жемқорлықпен күрес туралы АҚШ заңын бұзу, Алматы қаласы тұрғындарының мүдделеріне және пайдасына қызмет ету жөніндегі міндеттерді бұзу, біреудің меншігін заңсыз иемдену және осы мақсатта қылмыстық келісімге түсу заңбұзушылары бар. Алайда Калифорния штатының округтік соты Алматы қаласының өтінішін қабылдамай тастады. Сот аталған талқылауды АҚШ-та қарастыру қолайлы болып табылмайды деген шешімге келді.

“Алматы қаласының әкімдігі және ҚР Әділет министрлігі Калифорния штатының апелляциялық сотына наразылықпен жүгінді. Екінші инстанциядағы сот Қазақстан Республикасының аталған өтінішін қанағаттандырып, төменгі округтік сот шешімінің күшін жойды. Қазақстан Республикасы АҚШ-тың соттарын өз позициясының дұрыс екендігіне көз жеткізе білді. Аталған шешім жемқорлықпен күрес саласындағы үздіксіз жұмыстың нәтижесі болып табылады. Енді Алматы қаласының Храпуновтарға қарсы шағымы Калифорния сотында қарастырылатын болады”, — делінген баспасөз хабарламасында.