АҚШ долларының құны 320 теңге болды
Қазақстан қор биржасындағы шетелдік валюталардың таңертеңгі сауда-саттығының қорытындысы бойынша 1 АҚШ долларының құны 317,65 теңге көлемінде тіркеліп, 1,38 теңгеге қымбаттады.
Кеше де америкалық валютаның ресми құны осы көлемде қымбаттап еді. Демек, 2 күнде ол 3 теңгеге өскен. Бейресми баға да тура осылай құбылып тұр
Kurs.kz сайтындағы мәліметке сүйенсек, Алматыдағы ақша айырбастау пункттерінде бүгін 1 АҚШ доллары кеше 317 теңгеден сатылса, бүгін 320 теңге болды. нақтырақ айтқанда, ақша айырбас пункттерінде 17-маусымда америкалық валюта 318 теңгеге сатып алынып, 320 теңгеге сатылып жатыр.
Америкалық валютаның күш алуына халықаралық нарықтағы қос оқиға қатты әсер етуде екенін баса айта кетелік. Біріншіден, халықаралық мұнай нарығында қара алтынның бағасы құнсыздана түсуде. Brend маркасындағы мұнайдың бір баррелі кеше 47 доллардан саудаланған. Оның құны осы апта соңына дейін 43 долларға дейін арзандауы ықтимал деп те болжанады. Сол секілді АҚШ-тың федеральдық жүйесі ақша саясатына өзгеріс енгізіп, доллардың сыйақы мөлшерлемесін көтерді.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе